La primera vez que leí este poema de Gabriel y Galán, hace ya muchos..muchos años.. se me saltaron las lágrimas. Nadie como él ha recogido aquí, en la lengua del pueblo llano, el sentir de la muerte de la persona amada, junto a la ruina de la propia hacienda, y, al tiempo, el deseo de guardar aquellos recuerdos que te unen a ella.
Señol jues: pasi usté alanti,
Y que entrin tós ésos,
no le dé a usté ansia,
no le dé a usté mieo..
Si venís antiayel a afligila
sos tumbo a la puerta. ¡Pero ya s’a muerto!
¡Embargal, embargal los avíos,
que aquí no hay dinero;
lo he gastao en comías pa ella
y en boticas que no le sirvieron;
y eso que me quea,
porque no me dio tiempo a vendello,
ya me está sobrando,
ya me está gediendo!
………………………………..
¡Pero a vel, señol jues: cuidaito
si alguno de ésos
es osao de tocali a esa cama
ondi ella s’ha muerto;
la camita ondi yo la he querío
cuando dambos estábamos güenos;
la camita ondi yo la he cuidiao,
la camita ondi estuvo su cuerpo
cuatro meses vivo
y una noche muerto!
¡Señol jues: que ninguno sea osao
de tocali a esa cama ni un pelo,
porque allí lo jinco
delante usté mesmo!
lleváisoslo todu,
todu, menos eso;
que esas mantas tienen
suol de su cuerpo…,
¡y me güelin, me güelin a ella
ca ves que las güelo!…
Alicante marzo de 2006 (JLN)
